Адбыўся раённы этап рэспубліканскага конкурсу юных чытальнікаў “Жывая класіка
27.04.2020С 20 па 23 красавіка адбыўся раённы этап рэспубліканскага конкурсу юных чытальнікаў “Жывая класіка”, які праходзіць пад дэвізам “Беларуская пісьменнасць ад вытокаў да сучаснасці – нацыянальны набытак і гонар”.
У конкурсе прынялі ўдзел 14 устаноў адукацыі раёна. Мэта конкурсу – развіццё і выхаванне высокіх маральных каштоўнасцей і ідэалаў беларускага грамадства, прыцягненне ўвагі грамадскасці да праблематыкі чытання. Юныя чытальнікі выконвалі вершы прысвечаныя сваёй малой Радзіме. Пераможцы вызначаліся ў чатырох узроставых катэгорыях.
Дыпломы I ступені атрымалі:
Жаўток Аэліта, вучаніца 4 класа ДУА “Івянецкая сярэдняя школа”;
Лотах Вераніка, вучаніца 6 класа ДУА “Дорскі навучальна-педагагічны комплекс дзіцячы сад – сярэдняя школа”;
Стасяловіч Мікіта, вучань 7 класа ДУА “Сярэдняя школа № 1 г. Валожына”;
Кароткі Раман, вучань 9 класа ДУА “Яршэвічскі навучальна-педагагічны комплекс дзіцячы сад – сярэдняя школа”.
Пераможцы прымуць удзел у абласным этапе конкурсу, які пройдзе ў завочнай форме ў маі ў ДУА “Мінскі абласны інстытут развіцця адукацыі”.
Усе жадаючыя могуць паслухаць вершы пераможцаў прайшоўшы па ссылцы:
https://yadi.sk/d/gEN9ykbMTDmmBg
https://yadi.sk/i/oJPvSyM_QJbmsQ
https://www.youtube.com/watch?v=qagS1sK15kQ&feature=youtu.be
